الحلقة الثالثة من برنامج ضيف المربوعة مع جناب السفير عبدالقادر بن زبلح

Khaled Eltarhuni السلام عليكم .. توا نبدو البرنامج الاسبوعي ومعانا ضيف مش عادي ومن الشخصيات الرائعه والمتألقه وولد بلاد أصلي .. هو عبد القادر بن زبلح .. والمقدم الاستاذ خالد الرقيعي .. اللي هو رفيقه وحافظه حفظ .. يعني زر

Khalid Alregei

‫السلام عليكم نبدا اليوم مع ضيف المربوعه ( عبدالقادربن زبلح )
اقدوره نرحب بيك في المربوعه ونقولولك مساء الخير‬

عبدالقادر بن زبلح

‫مساء النور على جميع الحضور الكرام وان شاء الله ديما ملتمين ‬

Khaled Eltarhuni

‫الاسئله ترسل للحوراء عالخاص .. وحاليا يا ريت ماحد يشارك الا بعد ان يكمل المقدم الحوار مع الضيف .. ويستغرق تقريبا نصف ساعه‬

Khalid Alregei

‫بداية خوي اقدوره ياريت تعطينا نبذه صغيره عنك ( عمرك _ المستوي الدراسي _عملك )‬

عبدالقادر بن زبلح

‫العمر 36سنة
دبلوم عالى هندسة كمبيوتر
تجارة ..زهير شنو الجو ‬

Khalid Alregei

‫شكرا اقدوره .. هواياتك وماذا تمثل لك هذه الهوايات ‬

عبدالقادر بن زبلح

‫البحر والكورة
ونرتاح واجد لما نمشى للبحر ‬

Khalid Alregei

‫عارفك ولد بحر .. اقدوره مكان سكنا ومولدنا يمثل لنا حاجات جميله ولنا فيه ذكريات لاتنسي .. ماذا يمثل لك سيدي حسين وماهي ذكرياتك التي تراها جميله لك فيه ‬

عبدالقادر بن زبلح

‫والله يا خالد سيدى حسين مكان عزيز عليا واجدددددددددددوانا نعتبره الحق مفيش مثيله وخصوصا ايام الطفولة ومن اجمل الذكريات الطيبة
ايام ونحن نقروء عند سي سالم زوبى رحمه الله عليه فى الزاوية القادرية
الشىء العجيب كنا اطفال ونخاطلوا فى الشباب اللى اكبر منا فى العمر وكانوا يخافوا علينا ونحترموا فيهم وياما من دوريات فى ملعب عبدالجليل وملعب جمال عبدالناصر وياما من فلقة من سى سالم زوبى
بس كان يحبنا ويخاف علينا
وكان من اجمل الذكريات لما يجى الميلود ورمضان ‬...

Khalid Alregei

‫اي والله صدقت ياقدوره عليك ايام اتزهي الخاطر ‬

Khalid Alregei

‫سؤالين من ابله مبروكه (1) شن رايك في عزايز القروب
(2) تعرف يا قدورة اني حضرت فرح باتك وامك 1969 ونعمى الجيران سؤالي شنو تعلمت من الاستاذ سليمان بن زبلح اشهر عازف على الاكوروديون في المغرب العربي ومن منكم انت او خوتك تعلم العزف‬

عبدالقادر بن زبلح

‫هههههههههههه
والله يا بريكة عزايز القروب هن روح القروب وبلاهن القروب هابتين وهابه
اما بخصوص فرح باتى وامى ربى يطول فى عمرك ونحضر فرح أولادك ونكون من الصبايين
اما والدى فانا نعتبره صديقى أكثر من والدى فعلمنى حب الخير للناس وما نزعل حد ابدا
والله لو نقولك ان مفيش حد فى الحوش تعلم العزف تقولى مبالغ فيه‬...
بس والله والله مافينا حد يعرف العزف

Khalid Alregei

‫صدقت عزايز القروب هن اللي امفوحات القروب ‬

Khalid Alregei

‫سؤال من الكابو .. اصعب موقف واجهته كسفير لقروبنا ‬

عبدالقادر بن زبلح

‫والله الحق ان مفيش مشاكل وحبال سو طاحن فى بير
كبوة شنو الجو ‬

Khalid Alregei

‫نلقانك اصلي وستّار .. سؤال من خفاش الليل خلوده الترهوني
ماذا تعني لك بنغازي .. واجمل لحظه عشتها في حياتك ولن تنساها ابدا ‬

عبدالقادر بن زبلح

‫بنغازى كل شىء بالنسبة ليا والله ما تهون عليا مغطة من مغاطى مجاريها أكرمكم الله جميعا
ومن اجمل اللحظات كانت فى السعودية وهى لحظة فراق وتوديع مكة المكرمة ‬

Khalid Alregei

‫سؤال من اسماءشلوف ملكة الحناطه وخفة الدم
لو يرد بيك الزمان شن اكثر حاجه مش ممكن اتغيرها .. وشن اكثر حاجه اتمني لو ماصارتش وليش ‬

عبدالقادر بن زبلح

‫الشطر الاول مش واضح
اما بخصوص اكثر حاجة اتمنى لو ما صارتش هى ألغاء مادة اللغة الانجليزية
وليش لان الواحد لما كبر لاقى روحه على بوشليف
وكله مجهود ذاتى فقط ‬

Khalid Alregei

‫ايوه نلقنها لغية الانجليزي عمله سوده نوده علي وجوههم
قصداسماء اكثر حاجه اتخليها زي ما هيا وما تغيرهش ‬

Asma Shallouf

الشطر الاول: يعني شن اكتر حاجة انت مبسوط انها صارت معاك ..؟؟

عبدالقادر بن زبلح

‫تربيتى مع عمتى ‬

عبدالقادر بن زبلح

‫الله يرحمها والقائدة بريكة تعرفها كويس ‬

Mabruka Gebril

‫الله يرحمها برافو عليك ‬

Khalid Alregei

‫الله يرحمها ويغفرلها .. سؤال من اسماء شلوف
شن حققت من اهدافك ... و شن فيه عندك اهداف تخدم على تحقيقهم فالوقت الحالي
‬

عبدالقادر بن زبلح

‫الاهداف اللى تحققن حصولى على دبلوم عالى بعد انقطاع على الدراسة اكثر من 10سنوات الى جانب التجارة
اما اهداف اسعى لتحقيقها ان شاء الله دراسة ماجستير ادارة أعمال
‬

Khalid Alregei

‫ربي ايوفقك انت تستاهل كل خير يااقدوره ‬

Khalid Alregei

‫سؤال من احميده الرايس .. ماذا تعني لك السعاده وما اكثر شيء تكرهه في الحياه
‬

عبدالقادر بن زبلح

‫السعادة انك تكون فى طاعة الله سبحانه وتعالى فأنا فى نظرى هذه قمة السعادة
واكره شىء فى الحياة العداوة والبعد عن الدين‬

Khalid Alregei

‫سؤال من ابله مبروكه حبيبة الكل وخيتنا ..الحاله الاجتماعيه شنو عندك هل والا ندورلك عرب كويسين خيرلك .. تعرف اتوازي راه ‬

عبدالقادر بن زبلح

‫لا والله مازال ماسخر ربى لكن نقولوا ان شاء الله قريب
يا بريكة رانى ربة عمتى مبروكة ونعجبك ‬

Khalid Alregei

ربي ايكمل عليك ان شاءالله يااقدوره وتلقي بنت الحلال اللي تستاهلها

Khalid Alregei

سؤال من ماني .. سؤال لقدورة بعد السلام عليه لو قالولك اختار حي اخر غير سيدي حسين شنو تختار

عبدالقادر بن زبلح

سيدى حسين

Khalid Alregei

سؤال من نوارة القروب الحوراء .. بمــــا انـــي من عشــــاق بنــغازي الحبــــبية نبــــيك توصف بنــــغازي باجمــــل العبارات

عبدالقادر بن زبلح

القلب والروح

Khalid Alregei

سؤال من احمد الهوني .. شن اكثر موقف طريف حصلك

عبدالقادر بن زبلح

سفرى الى مالطا وتركى الحقيبة وبها جوازى وكل ما معى من مال
والغريب انى لما رجعت لنفس المكان لقيتهن كيف ما هن

Khalid Alregei

سؤال من الكابو .. كم عدد افراد اسرتك و هل تفكر في الزواج قريبا؟

عبدالقادر بن زبلح

نحن 9
5اولاد
4بنات
ان شاء الله قريبا جداااااااااا

Khalid Alregei

سؤال من ماني .. شن اكثر شخصيه تأثرت بيها ؟

عبدالقادر بن زبلح

تأثرت بشخصية الرسول صلى الله عليه وسلم
وفى نظرى المفروض ان يتربا كل اولادنا على معرفة من هو النبى محمد صلى الله وعليه وسلم

Khalid Alregei

عليه الصلاة والسلام
سؤال من تالا .. شن اللي مش عاجبتك في طبعك...وفي اللحظه هذه شن أمنيتك

عبدالقادر بن زبلح

العصبية نعانى منها واجد
الامنية ان نشوف بنغازى كيف زمان
بناسها وطيبة اهلها وكرمها و
بشوراعها ومبانيها وحدائقها
فى كل شىء حلوه وجميل

Khalid Alregei

اريج الزهور اتبلغك السلام وقالتلك يعجبني طموحك ولو تبي اتسجل في اكاديمية الدراسات العليا نقولك امتي يبدا التسجيل .. وخير البر عاجله

Khalid Alregei

سؤال من زهره .. مساء الخير قدورة ، شن تعنيلك فلسطين ؟ و وهل اتمنى تمشيلها.. طاجين شنو الجو

عبدالقادر بن زبلح

فلسطين بلدى الثانى وكم اتمنى صلاة ركعتين فى القدس

Khalid Alregei

سؤال من هشام البركي .. ماذا يعني لك الحاج وليد بوقرمه

عبدالقادر بن زبلح

هههههههههههههههههههههههههههههههههههه
الحاج وليد بوقرمة اكثر من أخ والاب الروحى لكل اللى تعرفهم يا هشوما

Khalid Alregei

ههههههههههههههههههههههه اي والله .. الله يذكره بالخير

Khalid Alregei

سؤال من المتر مهدي كشبور .. شن هي اكثر مرحالة عمرية كانت مؤثرة في حياتك واحكيلنا عن موقف غير من مسار حياتك ؟

عبدالقادر بن زبلح

مرحلة النضوج
موقف وفاة عادل الشريف ومحمود الدرسى رحمهما الله

Khalid Alregei

الله يرحمهم ويغفرلهم فعلا كانت صدمه لكل من يعرفهم

Khalid Alregei

سؤال من احمد الهوني .. كيف تعرفت عالقروب وايش خططك كاسفير للقروب

عبدالقادر بن زبلح

ههههههههههههههههههههه
والله تعرفت عليه عن طريق الكابو او منشىء القروب وكل الشكر والتقدير والاحترام لشخصه الكريم ونهنيه على وطنيته وحبه لبنغازى وعربها وكلامها المميز والقديم وما ننسوش جهود كل الاعضاء
والله اما الخطط نحن ما نطلعوش من الادارة وتعليماتها

Khalid Alregei

سؤال من زيزي روستماكيس .. شنو الاكله المفضله؟

Khalid Alregei

سؤال من محمد البرعصي صاحب هالفكره الحلوه
سورى عل التأخير ومنور الحلقه : بما انك متتبع للرياضة شنو الفرق التى تفضلها محليا ودوليا ؟

عبدالقادر بن زبلح

المصارين والشكشوكة والقلايا ما عندى معاهن روح بكلللللل
حشيشتى

عبدالقادر بن زبلح

محليا أهلى بنغازى
ريال مدريد

Khalid Alregei

في الختام نحب نشكرا اقدوره علي هاللقاء الحلو واللي امتعنا بإجاباته وصراحته ونحب انحييه بإسمكم كلكم علي نشطاته في هالقروب ومشاركاته الحلوه وان شاءالله ربي ايحققله كل ماايتمني وان شاءالله نشوفوه عريس اقريب .. نحب نشكرا الحوراء اللي بذلت مجهود كبير الليله وكانت حلقة الوصل بيني وبينكم .. نحب نشكركم كلكم علي هالمشاركات الاسئله الهادفه اللي قلتوهن وعلي دوركم اللي خلي هالقروب ناجح وهادف .. تحياتي الخالصه لكم ودمتم اخوه واصدقاء ..

Khaled Eltarhuni

منورين عالليله الحلوه .. بس للقانكم زريتو الشاب .. وتقبلو تحياتي

عبدالقادر بن زبلح

انا اللى نحب نشكر كل من ساهم وسأل ووسع خاطره فى مربوعتنا وسامحونا لو قصرنا فى بعض الاجابات
بجديات ربى يحفظ هذا القروب واللى انا نعتبره ثروة وطنية ومشروع وطنى كبيررررر وخصوصا تواجد عرب البلاد فيه ومشاركاتهم وتوثيقم للمصطلحات الليبية القديمة
شكرا مرة اخرى للجميع

Zyad M Al Kadiki

شكرا خالد الرقيعي .. شكرا عبدالقادر بن زبلح و ضيف الخميس الجاي ماشي لمصر .. شوفو حد اخرى .. تحياتي

الحوراء ال ماشيش

والله ابــــــــداع يا قدورة انت انســــان مثقــــف واصــــيل والحلقـــة كانت اكثر من رائـــعة والله استمتعنا بالاجابات الشافيـــه ،،، ونحب نـــشكر الاستاذ خالد الرقيعي ،، عالمجهود اللي بذلة وعالتعقـــبات الراقية والحلوة وياريت نكملو السهرة بالاسئلة الجماعية ،،، لكم الشكر جميــعا

محمد الرايس

لاصدقاء كالنجوم معك اينما ذهبت تتلألأ في سماء حياتك لتؤنسك في وحدتك وتنير لك افكارك وتهتدي بهم في اتّخاذ قراراتك

بارك الله فيك استاذ خالد الرقيعي على هذه المحاوره الجميله والممتعه جدا وبارك الله فيك يا اقدوره على اجاباتك الصادقه وروحك الطيبه والجميله متمنيا لك كل الرقي والتوفيق في حياتك وبارك الله في مديرنا الاصيل وفي دكتورنا صاحب هذه الفكره الجميله وبارك الله في جميع الاعضاء من حضر منهم ومن لم يحضر وفعلا سهره طيبه وممتعه وتصبحون على كل الخير والهناء

محمد البرعصى

منور يا اقدوره ياغزال ........ ضيف مش عادى .. وين واكل الجو اليوم .... وصحيت ياخالد محاور مميز .... منورين كلكم ربى يحفضكم

فوفو على

قود قود قودانتم ابداع بس ياريت اتكون مديعين فى قناه جماهيريه خيرررر

فوفو على

المهم اكتى دورى

فوفو على

المهم امتى دوررررى انا

محمد البرعصى

كم تدفعى ؟؟؟ الربع توا ما ايدير شى .......... زيدى بلا بخل .... هذا استثمار للقروب

فوفو على

نص دنيار غير هكى ماتحلممم بكل شن تحسابك روحك لقاء فى bbc

تالا محمد

ربي يحفظكم يا أولاد ليبيا بجد الواحد يتشرف بمعرفتكم ومبدع طبعا كعادتك اقدوره وحتى المحاور خالد وبارك الله فيكم .....وجمعتكم مباركه

محمد البرعصى

لالالالا ما ايساعد بكل ..... زيد يازول

فوفو على

اسمع يا محمد راهو انا قلت عادى انجى اندير لقاء بس انت زودات الموضوع فى نهايه لا قناه الجزيزه ولا ام بى سى ووالله حتى ربع يمشى هنا

Atropin Alldoctor

مساء الخير للجميع وحوار شييق مع الاخ عبد القادر زبلح ربي يحفظه ويحفظ الجميع
برعصي ..ربي يزيد من شانك ويعلي مقدارك ....تهيالي فوفو ماتحتاجش تدفع والا شنو رايك...ههه

فوفو على

والله محمد يحسب روحه مديع فى قناه bbc

محمد البرعصى

لاوين لاوين مفش شى بلاش ..... تدفع وتقعد عندها ميزه تختار المحاور والأسئله ... بس كانت تقوى عزمها وتدفع بس

مهدي إبراهيم كشبور

ما شاء الله عليك يا سعادة السفير متألق وكل الشكر والتقدير لكل من ساهم انجاح هذا اللقاء سوا من المحاور او صاحب الفكرة او الجنود المجهولين

فوفو على

ماتحلم حتى بربع ايكلم فيا تعالى تعالى نحسب روحى عندى قدر لكن فرقت لا قدر ولاشى وقلت عندى وسطه وبعدا دورى لكن يا خساره ههههههههههههههههههههههههههههههههههههههههههههههههههههههههههههه

Atropin Alldoctor

فوفو أكيد العين ماتعلاش عن الحاجب ....واللي بيدير الخير المفروض مايسألش....
برعصي...إنت كريم وفوفو تستاهل
@_@

محمد البرعصى

هههههههههههههههه زعلانه شكلها ... خلاص انديرولها ملحق اليوم وخلاص ... فوفو عرفينا بنفسك